Alternative

Daily Archives: December 14, 2014

ԴՐԱՄԻ ԱՐԺԵԶՐԿՈՒՄ, ԹԵ ԴՈԼԱՐԻ ԱՐԺԵՎՈՐՈՒՄ

Դրամի արժեզրկում, թե դոլարի արժևորում

Վերջին շրջանում նկատվող փոխարժեքների տատանումները, մեր համոզմամբ, հարկ է գնահատել ոչ այնքան դրամի արժեզրկում, որքան դոլարի արժևորում և  արտաքին այլ ազդակների փոխներգործություն` պայմանավորված հետևյալ գործոններով: Մասնավորապես, նկատելիորեն ամրապնդվել են ԱՄՆ դոլարի դիրքերը համաշխարհային շուկայում, ինչն իր անդրադարձն ունեցավ նաև ԱՄՆ դոլար /  եվրո փոխարժեքի վրա:  Զգալիորեն թուլացել են եվրոյի դիրքերը, ինչն, իր հերթին, արտացոլում է Եվրամիությունում ֆինանսական ճգնաժամի երկրորդ ալիքի` արտաքին պարտքի ճգնաժամը, որն առկա է միաժամանակ մի քանի երկրներում /Հունաստան, Պորտուգալիա, Իսպանիա, Բելգիա, Հոլանդիա և այլն/: Դատելով համաշխարհային տնտեսության ներսում նկատվող ցնցումներից և միտումներից, կարող ենք կանխատեսել, որ ԱՄՆ դոլարի դիրքերը եվրոյի համեմատ կարող են ամրապնդվել:  Մյուս կողմից, մոտ չէ այն ժամանակը, երբ ԵՄ երկրները կգտնեն տնտեսական և ֆինանսական կայունություն ապահովող փոխզիջումային լուծում, որն ընդունելի կլինի բոլորի համար:  Ուստի, մինչ այդ, եվրոյի դիրքերը կարող են շարունակել սասանվել, իսկ փոխարժեքը` անկում ապրել: